Назарбоев ва Лукашенко постсовет мамлакатларидаги вазиятни муҳокама қилишди

Қозоғистоннинг биринчи президенти ва Беларус раҳбари телефон орқали гаплашди ва постсовет ҳудудларидаги сиёсий вазият ҳақида фикр алмашишди. Шунингдек, Александр Лукашенко Нурсултон Назарбоевни туғилган куни билан табриклади.

“Мустақил Қозоғистоннинг кенг кўламли сиёсий ва ижтимоий-иқтисодий ўзгаришлари, унинг халқаро майдонда салмоқли ютуқларга эришган замонавий давлат сифатида шаклланиши Сизнинг номингиз билан узвий боғлиқ”, — деди Беларус раҳбари ўз табригида.