Навальнийни даволаган шифокор тўсатдан вафот этди

Фавқулодда қўнишдан сўнг Алексей Навальний оғир аҳволда олиб келинган Омск касалхонаси реанимация бўлими ходими, доктор Сергей Максимишин 55 ёшида вафот этган, деб хабар беради Daily Mail.

Британия газетасида таъкидланишича, шифокор "қон босими ошиб" кетганидан кейин "тўсатдан" вафот этган. Журналистлар Максимишиннинг ҳамкасби Мария Морозова билан боғланган, у врачнинг ўлими ҳамма учун кутилмаган воқеа бўлганини айтди.

Омск Соғлиқни сақлаш вазирлиги матбуот котиби Галина Назарованинг таъкидлашича, ҳурматли шифокорнинг ўлими "қандайдир махсус сабабларга эга эмас". Унинг сўзларига кўра, "шифокор касал бўлган, бу йил ота-онасини вафот этгани унга таъсир қилган. У реанимацияга ётқизилган ва у ўша ерда вафот этган". Ўлим сабаби юрак хуружи деб ташхисланган.

Айтилишича, заҳарланишдан кейин Навальнийни даволашни Максимишин бошқарган.