НАТОнинг кенгайиши ҳеч кимга фойда келтирмади - Лавров

НАТОнинг кенгайиши ҳеч кимга, жумладан альянс аъзоларининг ўзига ҳам фойда келтирмади – келишмовчиликлар чуқурлашмоқда, “кемада исён” авж олмоқда, деди Россия ТИВ раҳбари Рио-де-Жанейрода БРИКС саммити якунлари бўйича матбуот анжуманида.

Россия вазирининг таъкидлашича, кўп қутбли дунё бугунги кунда – бу танлов эмас, балки объектив реалликдир. У эскирган ва неоколониал амалиётга асосланган неолиберализм сиёсатининг ўрнига келмоқда. Сўнгги ўн йилликларда содир бўлган иқтисодий инқирозлар ва Ковид пандемияси амалдаги молия тизимнинг камчиликларини ошкор қилди. Бир томонлама санкциялар ва доллардан қурол сифатида фойдаланиш - Америка валютасига бўлган ишончга путр етказди.