Аввалроқ Жиззах вилоятида ота ўз болаларини аёвсиз калтаклагани ва бунинг ортидан жиноят иши қўзғатилгани хабар қилинганди. Ижтимоий ҳимоя миллий агентлигига кўра, ҳозирда жабрланган болалар оилавий болалар уйига жойлаштирилган.
Қайд этилишича, Шароф Рашидов туманида содир бўлган ушбу ҳодиса ортидан Ижтимоий ҳимоя миллий агентлиги Жиззах вилояти бошқармаси масъул ходимлари ҳамда тегишли мутасаддилар зудлик билан воқеа жойига етиб борган. Вояга етмаганлар биринчи навбатда Бирламчи кўмак марказига жойлаштирилган ва улар тўлиқ тиббий кўрикдан ўтказилган. Тиббий хулосаларга кўра, болаларнинг саломатлиги қониқарли ҳолатда экани аниқланган.
“Вояга етмаганлар билан Шароф Рашидов тумани «Инсон» ижтимоий хизматлар маркази психологлари томонидан зарур психологик ёрдамлар кўрсатилди. Ҳозирги пайтда мазкур вояга етмаганлар болалар оилавий болалар уйига жойлаштирилган. Болаларнинг кундалик назорати таъминланиб, улар тўлиқ давлат ҳимояси остига олинди”, дейилади хабарда.
Аниқланишича, айни пайтда болаларининг онаси хорижда ишлаяпти ва ҳозирда уни Ўзбекистонга қайтариш чоралари кўрилмоқда.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
