НАТО ва Қўшма Штатлар Киевни қўллаб-қувватлашни давом эттиришга ваъда берди

Россия Украинага янги ракета билан зарба берганидан кейин НАТО ва Қўшма Штатлар Киевни қўллаб-қувватлашни давом эттиришга ваъда берди.

Россиянинг Украинага зарба бериш учун янги ўрта масофали баллистик ракетадан фойдаланиши НАТО иттифоқчиларини Киевни қўллаб-қувватлашдан воз кечишга мажбурламайди, деди альянс матбуот котиби Фараҳ Даҳлалла.

«Ушбу қобилиятнинг ишга туширилиши можаронинг боришини ўзгартирмайди ва НАТО иттифоқчиларини Украинани қўллаб-қувватлашдан тўхтатмайди», - дея унинг сўзларини келтиради CНН. Дахлаллаҳ Россиянинг Украина тинч аҳолисини ваҳимага солиб, Киевнинг иттифоқчиларини қўрқитишга уринишларини қоралади.

Оқ уй матбуот котиби Карин Жан-Пер ҳам худди шундай баёнот билан чиқди. Унинг таъкидлашича, Украина аллақачон «сон-саноқсиз Россия ҳужумларига» дучор бўлган ва АҚШ сўнгги кунларда «Украина ва унинг яқин иттифоқчиларига уларга тайёргарлик кўришда ёрдам бериш учун брифинг берган». Унинг қўшимча қилишича, Қўшма Штатлар Украинага ҳаво мудофаасини кучайтириш учун юзлаб қўшимча Патриот ва AMRAAM ракеталарини етказиб беришда давом этмоқда. «Ва бу давом этади ва шунинг учун биз украиналикларнинг ҳамма нарсага эга бўлишига ишонч ҳосил қилишда давом этамиз», деди Жан-Пер.