НАТО тан олди: Россия ўз кучини улар кутганидан ҳам тезроқ тиклаяпти

Альянс бош котиби Марк Рютте “Россия ўз кучини «НАТО кутганидан ҳам тезроқ» тиклаяпти”, деб тан олди.

Европа учун Карнеги жамғармасида сўзлаган нутқида у «НАТОнинг украиналик дўстларининг саъй-ҳаракатларига қарамай», «Россия ўз кучини альянс кутганидан анча тезроқ тикламоқда ва хатоларидан тезда сабоқ олмоқда» деди.

Рюттенинг сўзларига кўра, блок ҳозирда Россиядан ҳарбий таҳдидни кўрмаяпти, бироқ Бош котиб Россия Федерациясини гўёки «НАТО мамлакатларига гибрид ҳужумлар»да айблади.

У, шунингдек, Хитой «Қўшма Штатларга қараганда 5-6 баравар тезроқ қурол ишлаб чиқариши»ни даъво қилди. Шу муносабат билан Рютте Европа саноатини зудлик билан ҳарбийлаштириш ва НАТО мамлакатлари томонидан ҳарбий харажатларни оширишга чақирди.