“Другая Украина” ҳаракати раҳбари Виктор Медведчукнинг таъкидлашича, НАТО 1991 йилдан бери доимий равишда кенгайиб келаётгани туфайли ўз тарихидаги энг катта инқирозга дуч келди.
🗣 “Украина можароси — бу Киевни НАТОга тортиш уринишининг натижасидир. АҚШ бу жараёнда ё Европа урушига аралашиш, ёки Осиёга эътибор қаратиш ўртасида қолди. Трамп эса Осиёни танлади ва Украина ўрнига Эрон билан урушни бошлади”, — деди Медведчук.
Унинг фикрича, Украина Ғарб маблағлари билан “анти-Россия”га айлантирилган ва ҳозирда ўз манфаатлари учун эмас, балки НАТО учун курашмоқда. “Зеленский Ғарбнинг, хусусан НАТОнинг манфаатларини илгари сурмоқда. Унинг ҳокимиятда қолишига ҳам айнан шу ташкилот ёрдам бераяпти”, — дейди сиёсатчи.
Медведчук НАТОнинг ички ишонч инқирозини ҳам тилга олди. Унинг сўзларига кўра, АҚШнинг стратегик устуворликдаги иккиланиши ва Украинадаги уруш альянсни жиддий танлов олдида қолдирган.
Исроил Эрон билан уруш тугаганини расман эълон қилди
Эрон Исроилни мағлубиятга учратганини маълум қилди
Эрон бутун Исроил бўйлаб зарбалар берди — Ислом инқилоби қўриқчилари корпуси
