Наманган вилоятининг Янгиқўрғон туманида ёнғин оқибатида вафот этган болалар сони 3 нафарга етди.
Ҳодиса 23 март куни туманнинг Нурафшон маҳалласидаги хонадонлардан бирида содир бўлган. 3 нафар қариндош бола уйдаги ертўлага тушиб, у ердаги целлофанлар, ўтин ва хашакларни ёққан, оқибатда ёнғин юз берган.
2021 йилда туғилган бола воқеа жойининг ўзида ҳалок бўлган, 2021 йил ва 2017 йилларда туғилган икки бола эса дераза орқали қутқариб қолинган ва куйиш жароҳатлари билан касалхонага етказилганди.
Шифокорларнинг саъй-ҳаракатларига қарамай, юз, бўйин, қўл, оёқ ва сон қисмларидан куйиш жароҳатларини олган икки бола ҳам вафот этди, дейилади хабарда.
Ҳозирда ўлим ҳолатлари бўйича суд-тиббий экспертизаси, хонадонда содир бўлган ёнғин бўйича ёнғин-техникавий экспертизаси тайинланиб, терговга қадар текширув ҳаракатлари олиб борилмоқда.
1 майдан 500 кВт⋅соатгача бўлган янги миқдор жорий қилинди
Ўзбекистонда янги экилган пиёз нархи рекорд даражада қимматлади
АҚШ-Хитой уруши бошланади: Мутахассислар даҳшатли башорат билан чиқди
