Россия Украинанинг F-16 қирувчи самолётини йўқ қилганини эълон қилди

Россия Мудофаа вазирлиги 13 апрел куни берган баёнотига кўра, Украина самолёти Россия ҳаво мудофаа кучлари томонидан уриб туширилган. Шунингдек, баёнотда JDAM туридаги саккизта бошқариладиган авиабомба, HIMARS тизимининг еттита снаряди ҳамда 207 та дрон уриб туширилгани қайд этилган.

Бундан бир кун аввал Украина Қуролли Кучлари F-16 учувчиси Павел Иванов жанговар топшириқни бажараётган пайтда ҳалок бўлганини маълум қилган эди. Қирувчи самолёт билан нима содир бўлганига аниқлик киритилмаган. Украина президенти Владимир Зеленский Ивановга вафотидан сўнг Украина Қаҳрамони унвонини берди.