Наманганда 21 ёшли ҳайдовчи «ВАЗ-2107» автомашинасида хавфли манёврлар қилиши оқибатида, машина «багажникида» ўтирган йигит йиқилиб, шифохонада вафот этди. Бу ҳақда ИИВ ахборот хизмати хабар берди.
Ҳодиса 2 октябрь куни соат 16:00 да Косонсой туманидаги Боғибаланд кўчасида содир бўлган. 21 ёшли ҳайдовчи дўстини автомашина юкхонасига ўтқизиб, хавфли манёврлар билан ҳаракатланган. Оқибатда «багажникда» ўтирган йигит ерга йиқилиб, тан жароҳатлари олган. У шифохонага ётқизилганига қарамай, 12 октябрь куни вафот этган.
Ҳодиса юзасидан Жиноят кодексининг 266-моддаси 2-қисми (Одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) бўйича жиноят иши қўзғатилган.
Украина душман учун «Жаҳаннам» тайёрлади
16 декабрь куни яна изғирин совуқ қайтади
Россия Украинадан ерларини қайтариб олганини эълон қилди
