Канада парламентида АҚШнинг сайланган президенти Доналд Трампнинг Канадани «51-штат» деб ҳазиллашиши кулгили эмаслигини таъкидлашди. Бу ҳақда The Hill нашри хабар берди.
Сўнгги бундай воқеа Трампнинг Канада Бош вазири Жастин Трюдо билан учрашувидан кейин юз берди. АҚШнинг бўлажак президенти ўз ижтимоий тармоғида бу учрашув ҳақида сўз юритиб, суҳбатдошининг мақомини «Канада деган катта штатнинг губернатори» даражасига «пасайтирди».
Ўтган ой Трамп Канаданинг «51-штат» эканлиги ҳақида ҳам ҳазил қилган ва яқинда сунъий интеллект ёрдамида Канада байроғи ёнидаги тоғда турган суратини яратган эди.
Канада Яшиллар партияси етакчиси Элизабет Мей Трампнинг ижтимоий тармоқларини шахсан кузатиб бормаслигини, аммо бундай ҳазиллар «кулгили эмаслигини» айтди.
«Бу кулгили эмас ва бунинг ижтимоий тармоқларда давом этиши мени тобора безовта қилмоқда», деди у.
Украина душман учун «Жаҳаннам» тайёрлади
Россия Украинадан ерларини қайтариб олганини эълон қилди
16 декабрь куни яна изғирин совуқ қайтади
