Мюнхен хавфсизлик конференцияси Европа учун “қўрқинчли туш”га айланди

Бу ҳақда конференция раҳбари Кристоф Ҳойсген фикр билдирди.

Унинг сўзларига кўра, конференция “Доналд Трамп президентлиги даврида Америка бошқа сайёрада яшаётгани”ни кўрсатган.

"Шу билан бирга, бу жуда кўп масалаларга ойдинлик киритди. Биз ҳатто республикачи сенаторлар ҳам ўз президентларидан қўрқиб, оммавий чиқишларида жуда эҳтиёткор гапирганини пайқадик", – дея қўшимча қилди Ҳойсген.

Мюнхен конференцияси раҳбарининг фикрича, агар Россия ва Украина ўртасида тинчлик музокаралари ўтказилса, Европа уларда қатнашиши шарт.

Бундан ташқари, у Европа шунчаки музокара столида ўтиришни эмас, балки Украина учун ўзининг хавфсизлик режасини ишлаб чиқишни исташини билдирди.