Мянмадаги фирибгарлик қурбонига айланган икки нафар Ўзбекистон фуқароси ватанга қайтарилди

Таиланд Мянмадаги фирибгарлик қурбонига айланган икки нафар Ўзбекистон фуқаросини ватанга қайтаришда ёрдам берди.

Улар фирибгарлар томонидан алдаб олиб кетилиб, Мянмада ноқонуний фаолиятга — хусусан, телефон ва интернет орқали молиявий фирибгарлик билан шуғулланувчи қўнғироқ марказларида мажбуран ишлашга жалб қилинган.

Таиланд расмийлари уларни аниқлаб, Ўзбекистоннинг Бангкокдаги Бош консулхонаси орқали уйларига қайтишларига кўмаклашди.