Ассалому алайкум! Мусулмон киши фарзандига Азизбек деб исм қўйиши мумкинми?
Абдулазиз деб исм қўйилгани яхши. Аммо Азиз деса ҳам жоиз. Чунки бу исм Карим каби муштарак исмлардан ҳисобланади.
Масалан Аллоҳ таоло Юсуф сураси, 88-оятида: Унинг ҳузурига кирганларида: Эй Азиз, бизни ва аҳлимизни зарар тутди ва арзимаган сармоя келтирдик , дейди. Ўша пайтда Миср подшоҳини азиз , дейишган.
Ёки Расулуллоҳ соллаллоҳу алайҳи ва саллам: Каримнинг ўғли Карим, унинг ўғли Карим, унинг ўғли Карим ва унинг ўғли Карим Юсуф ибн Яъқуб ибн Исҳоқ ибн Иброҳим алайҳумуссалом , дейдилар. Имом Бухорий ривояти.
Валлоҳу аълам.
Мубашшир Аҳмад
