Биринчи ярим енгил вазн тоифасида WBА ва IBF камари соҳиби Муроджон Аҳмадалиев навбатдаги жангини WBА йўналишидаги мажбурий даъвогар Ронни Риосга қарши ўтказади.
Жангига уч кун қолган боксчимиз мухлисларига миннатдорчилик билдирди.
«Худо хоҳласа уч кундан сўнг мен чемпионлик камарларимни учинчи маротаба ҳимоя қилиш учун рингга кўтариламан. Билдираётган илиқ тилакларингиз ва жангимни интиқлик билан кутаётган барчага раҳмат. Ин Ша Аллоҳ оз қолди»,-деб фикр билдирган Муроджон.
Эслатиб ўтамиз, КАКА WBА камарини мажбурий даъвогар Риосдан 25 июнь куни ҳимоя қилади.
