Муҳаммадали Ўринбоевга Осиё кубоги U-20нинг «Энг яхши тўпурари» соврини топширилди

Ўзбекистон U-20 ёшлар жамоаси футболчиси Муҳаммадали Ўринбоев Хитойда ўтган Осиё кубогида энг яхши тўпурари сифатида эътироф этилган эди.

Бугун ЎФА раҳбарияти мазкур мукофотни футболчимизга топшириб, келгусида жамоамиз олдида янада муҳим турнирлар, хусусан, кейинги Олимпиада йўлланмасини қўлга киритиш вазифаси турганини айтиб ўтди. Хатолар устида ишлаш ва U-20 Осиё кубоги мусобақасида орттирилган тажриба келажакда катта натижаларга эришиш учун муҳим асос бўлиши таъкидланди.