Мўғулистонда қизамиқ билан касалланган фуқаролар сони етти мингдан ошди

Мўғулистонда тасдиқланган қизамиқ билан касалланганлар сони 4 кун ичида 6836 дан 7717 тага кўпайди.

Бу ҳақда Юқумли касалликлар миллий маркази маълум қилди.

"Қизамиқ энг кўп учрайдиган мактабларнинг таътил кунларига ёпилиши касалланиш даражасининг пасайишига таъсир қилмади. Агар 12 июнь куни 6836 нафар фуқарода қизамиқ касаллиги аниқланган бўлса, 16 июнь ҳолатига кўра, ушбу касалликка чалинганлар сони 7717 нафарга етди. Беморлар билан фаол алоқада бўлган 63 минг 52 киши тиббий назорат остида”, - дейилади хабарда.

Эслатиб ўтамиз, июнь ойи ўрталарига келиб, мамлакатда қизамиқдан бешта ўлим ҳолати қайд этилган. Аввалроқ департамент шошилинч тиббий ёрдамни кутаётган фарзандлари билан навбатда турган фуқаролар оқимига дош бера олмагани ҳақида хабар берган эди.

Қизамиқ билан касалланган биринчи фуқаролар Улан-Баторга 2025 йил февраль ойи охирида чет эл рейсларида етиб келган. Мамлакатда охирги марта 2019 йилнинг март ойида болалар ўртасида касаллик авж олган, бироқ Жаҳон соғлиқни сақлаш ташкилоти Мўғулистонни 2016 йилда қизамиқни бартараф этган давлат сифатида тан олган.