"Ҳодиса 25 декабр куни Мозамбик пойтахти Мапуту яқинидаги қамоқхонада содир бўлган. Маҳкумлар қўриқчиларни қўлга олиб, уларни қуролларини тортиб олишга муваффақ бўлишган", дея хабар беради SABC News.
"Пойтахтдан 15 км олисдаги қаттиқ қўриқланадиган қамоқхонадан жами 1 534 нафар маҳкум қочиб кетган. Армия ёрдамида олиб борилган қидирув амалиёти давомида 150 га яқин маҳкум қўлга олинди", — дея маълум қилди Мозамбик полицияси бошлиғи Бернардину Рафаэло.
Қамоқхонадан қочиш Мозамбикдаги сайлов натижаларидан норози мухолифат намойишларига тўғри келди. Кўчаларда тартибсизлик уюштиргани учун қамоққа тушганлар маҳкумларнинг қочишига ёрдам берган.
Мамлакат Конституциявий суди сайлов натижаларини тасдиқлаб, Даниэл Шапани янги президент дея эълон қилган. Мухолифат етакчиси Венансиу Мондлане бу қарорни тан олмаслигини билдириб, ҳукуматни сайлов натижаларини сохталаштиришда айблади.
Учинчи жаҳон уруши айнан қаерда бошланиши айтилди
Британия рекорд миқдордаги аскарини йўқотди
АҚШ Украинанинг Россия ҳужумини тўхтата олмаслигини эълон қилди
