«Фенербахче» клуби расмий сайтида жамоа бош мураббийи Жозе Моуриньо «Галатасарой»га қарши маънавий зарар учун даъво аризаси берганини маълум қилди. Аввалроқ, туркиялик клуб португалиялик мутахассисни ирқчиликда айблаган эди.
Баёнотда қайд этилишича, Моуриньо 1,907 миллион лира (50 минг евро) миқдорида компенсация талаб қилмоқда.
Бундан аввал, 62 ёшли мураббий тўрт ўйинга дисквалификация қилингани ҳақида хабар берилган эди. Унинг икки ўйинлик жазоси «Галатасарой»га нисбатан ирқчилик айблови, яна икки ўйини эса ҳакамлар бригадасидан бўлган тўртинчи ҳакам Славко Винчични ҳақорат қилгани учун берилган.
Эслатиб ўтамиз, Туркия чемпионатининг 25-туридан ўрин олган «Фенербахче» ва «Галатасарой» ўртасидаги ўйин (0:0)дан сўнг, Моуриньо рақиб жамоанинг захира футболчилари ва мураббийлари ҳақида «маймунлар каби сакрашди» деган гапни айтган. «Галатасарой» бу сўзларни ирқчилик деб баҳолаб, судга, шунингдек, ФИФА ва УЕФАга мурожаат қилишини маълум қилган эди.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Ўзбекистонлик футболчи фаолиятини Европа клубида давом эттиришга яқин
"Нефтчи" бомба трансферлар тайёрламоқда
