Россиянинг Москва шаҳри жанубидаги «РБК сервис» меҳмонхонасида 50 киши тайёр овқатдан заҳарланди. Бу ҳақда Mash хабар берди.
Таъкидланишича, жабрланганлар битта таъминотчи тайёрлаган таомларни истеъмол қилган. Қурувчиларга озиқ-овқатни «ООО Енидем» компанияси етказиб берган.
Беш киши шифохонага ётқизилган.
Заҳарланган шахслар «Обручева 30» турар жой мажмуаси қурилишида ишлаган. Бир кун олдин уларга ош ва товуқ тортилган. Ишчилар ётоқхонада ўзини ёмон ҳис қилган, баъзилари қусишни бошлаган.
Ҳозир воқеа жойида ўнлаб тез ёрдам машиналари ишламоқда. Жабрланганлар Тожикистон ва Ўзбекистон фуқаролари экани айтилмоқда.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
