Монакодаги портлашда украиналик олигарх ва унинг оила аъзолари жароҳат олди

Украиналик олигарх Вадим Ермолаев ва унинг оила аъзолари Монакодаги портлашда жароҳат олишди.

Бу ҳақда Le Figaro газетаси тергов билан таниш манбага таяниб хабар берди.

Маълумотларга кўра, номаълум шахс Ермолаев яшаган турар-жой биносининг кириш қисмига қўлбола портловчи мослама қўйган. Газета олигарх Россия-Украина уруши бошланганидан кейин Украинани тарк этгани ва ўшандан бери Монакода "VIP-қочқин" сифатида яшаб келаётганини таъкидламоқда.

Газета бизнесмен ва унинг рафиқаси портлашда жиддий жароҳат олганини, 13 ёшли ўғли эса енгил жароҳатлар олганини аниқлик киритмоқда.

Украинанинг Страна.ua нашри Украина президенти Владимир Зеленский 2023 йилда Ермолаевга қарши Миллий хавфсизлик ва мудофаа кенгаши санксияларини жорий қилганини эслайди. Forbes Ukraine маълумотларига кўра, Ермолаев 2020 йилда энг бой украиналиклар қаторида бўлган. Бизнесмен "Алеф" корпорациясининг асосчиси. 2019 йилда у Украина фуқаролигидан воз кечди ва Кипр паспортини олди.