Миср парламенти президент Абдулфаттоҳ ас-Сисийга яманлик ҳусийларнинг ҳужумлари кучайиб бораётган бир шароитда Саудия Арабистонини ҳарбий жиҳатдан қўллаб-қувватлаш ва ҳимоя қилиш учун зарур чораларни кўришга рухсат берди.
Al Jazeera телеканали хабар беришича, тегишли қарор Вакиллар палатасининг бугунги мажлисида қабул қилинган.
Ўтган ҳафта ас-Сисий парламентдан тегишли сўров келиб тушган тақдирда Ар-Риёдга мудофаа ёрдами кўрсатишга рухсат беришни сўраган эди.
Президент Саудия Арабистонини ҳарбий жиҳатдан қўллаб-қувватлаш фақат мудофаа хусусиятига эга бўлишини таъкидлаган.
Миср Эроннинг Форс кўрфази мамлакатларига қарши ҳужумларини бир неча бор қоралаган. Бироқ Қоҳира очиқ равишда тўғридан-тўғри ҳарбий ҳаракатларда иштирок этмаган ва август ойида Саудия Арабистони, Покистон ҳамда Туркия ўртасида имзоланган Макка ўзаро мудофаа пактига ҳам қўшилмаган.
Минтақадаги энг йирик армиялардан бирига эга бўлган Миср 2015 йил март ойида Ямандаги урушнинг дастлабки босқичида Саудия Арабистони бошчилигидаги коалиция таркибида иштирок этган.
Ўшанда Қоҳира асосан ҳарбий-денгиз ҳамкори сифатида қатнашиб, Қизил денгизда кемалар қатнови хавфсизлигини таъминлаш учун ҳарбий кемаларини юборган ва ҳаводан қўллаб-қувватлашга ваъда берган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
