Миср ва Кипр президентлари Абдул Фаттоҳ ас-Сиси ва Никос Анастасиадис ҳамда Греция бош вазири Кириакос Мицотакис Қоҳирадаги уч томонлама учрашувда Туркиянинг Сурия шимолида ҳарбий операция ўтказиш режаси борасида ўз хавотирларини билдирди.
"Томонлар Туркиянинг Сурия ҳудудида ўтказилиши режалаштирилган ноқонуний ҳарбий операциясидан чуқур хавотирларини билдирдилар ва Сурия давлатининг бирлиги ва яхлитлигини сақлаш мақсадида иш олиб бориш зарурлигини яна бир бор таъкидладилар. Улар шунингдек, Туркиянинг Суриянинг ҳудудий яхлитлигини бузиш ёки мавжуд демографик вазиятга ўзгартириш киритиш борасидаги ҳар қандай уринишини қоралашларини билдирдилар", дейилади Миср президенти маъмурияти баёнотида.
Октябрь ойи бошида Туркия Сурия чегарасида АҚШ томонидан қўллаб-қувватланувчи курд тузилмаларига қарши операция бошланишини эълон қилди. АҚШ бу операцияда қатнашмаслигини, бундан ташқари, эҳтимолий ҳарбий ҳаракатлар бўлиб ўтадиган ҳудуддан ўз қўшинларини олиб чиқишини билдирди.
Ўз навбатида, Сурия ташқи ишлар вазири Файсал Микдад Сурия ҳукумати бутун ҳудудни ҳимоя қилишини ва "Суриянинг бир қарич ери" босиб олинишини ҳам қабул қила олмаслигини таъкидлади
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Америкалик таниқли боксчи Баҳодир Жалолов ҳақида фикр бирдирди
