Мигрантлар ишларини қилиб бўлгач, Россияни тарк этишлари керак

Россия Хавфсизлик кенгаши раисининг биринчи ўринбосари Дмитрий Медведев, шунингдек, ноқонуний мигрантлар туфайли Россия жамиятида жиддий таранглик юзага келганини таъкидлади.

"Миллий хавфсизлик ва ижтимоий-иқтисодий ривожланишни таъминлаш, меҳнат бозорини ҳимоя қилиш миграция сиёсатидаги асосий вазифалар бўлиб қолмоқда. Назоратсиз ва ноқонуний миграция Россия душманлари учун фойдали, уни қатъий тўхтатиш лозим", — деди у.

Бундан ташқари, Медведев ташқи меҳнат миграцияси соҳасидаги ваколатлар Россия Ички ишлар вазирлигига топширилишини билдирди.