Йўналишлар ва бекатлар сони ортиб боргани сари метрога бўлган талаб ҳам янада ортиб бормоқда. Тошкент метрополитени ўтган 2024 йилда рекорд миқдордаги йўловчига хизмат кўрсатган.
“Тошкент метрополитени” ДУК матбуот хизматининг маълум қилишича, 270,3 миллион йўловчи метро хизматларидан фойдаланган. Кўрсаткич 2023 йилга нисбатан 57 фоизга кўп бўлиб, шаҳар транспорт тизимининг жадал ривожланаётганини ҳамда пойтахт аҳолиси ва меҳмонлари орасида метрополитеннинг тобора оммалашиб бораётганини кўрсатмоқда.
Сўнгги йилларда йўловчилар оқимининг ўзгариши 2020 йил – 38,8 миллион, 2021 йил – 101,8 миллион, 2022 йил – 136,7 миллион, 2023 йил – 172 миллион ҳамда 2024 йил – 270,3 миллион нафарни ташкил этган.
Йўловчилар оқимининг кескин ўсиши – метрополитенни ривожлантириш ва модернизация қилиш бўйича амалга оширилган кенг кўламли чора-тадбирлар натижаси ҳисобланади. Хусусан, янги бекатларни ишга тушириш ва метро тармоғини кенгайтириш, хизмат кўрсатиш сифати ва саёҳат қулайлигини ошириш, линияларнинг ўтказувчанлик қобилиятини ошириш ва ҳаракатланиш частотаси ва ҳаракатдаги таркиблар сонини кўпайтириш шулар жумласидан.
Маълумот ўрнида таъкидлаш лозимки, 40 йил мобайнида метро бекатлари сони 29 тани ташкил этиб, умумий узунлиги 38 км бўлган. Сўнгги йилларда амалга оширилган бунёдкорлик ишлари туфайли эса умумий узунлиги 33 кмни ташкил этувчи янги бекатлар қуриб, фойдаланишга топширилди. Бунинг натижасида метрополитен йўналишларининг умумий узунлиги 71 км, бекатлари сони эса 50 та бўлди.
Россия ва Украина келишувга эришди
Наврўзда Ўзбекистон аҳолиси неча кун дам олади?
Дунё аҳолиси энг кўп бўлган мамлакатлардан бири: Россиядан кўп аҳолиси бор, аммо майдони 115 марта кичик
