Минтақадаги ҳарбий ҳаракатлар сабабли Қатарда барча футбол мусобақалари тўхтатилди. Шу муносабат билан Аргентина ва Испания терма жамоалари ўртасидаги Финалиссима баҳси бошқа муддатга кўчирилиши мумкинлиги ҳақида маълумотлар пайдо бўлди.
Таниқли журналист Гастон Эдулнинг хабар беришича, ҳозирда УЕФА, КОНМЕБОЛ ва ФИФА вазиятни кузатиб, кутиш позициясида туришибди. Бир неча кундан кейин улар Қатар ҳукумати билан биргаликда Финалиссима бўйича якуний қарорни қабул қилишади.
Аргентина ва Испания терма жамоалари ушбу совринни 27 март, жума куни ўзаро ўйнашлари керак эди. Финалиссимани Қатарда ўтказиш режалаштирилган.
2022 йил июнь ойида бўлиб ўтган аввалги Финалиссимада Аргентина терма жамоаси Италияни 3:0 ҳисобида мағлуб этган эди.
Роналду энди АПЛ клубини сотиб олмоқчи
Месси афсусда...!
Пеп Гвардиола Рамазон ойининг футболчилар ўйинига таъсири ҳақида гапирди
