«Интер Майами» футбол клуби МЛС Кубогидаги ғалаба муносабати билан АҚШ президенти Дональд Трампнинг тантанали қабулига — Оқ уйга ташриф буюрди. Жамоа ўтган йилнинг ноябрь ойида «Ванкувер» устидан ғалаба қозониб, бош совринни қўлга киритган эди. Бу клубнинг 2020 йилда лигага қўшилганидан бери қайд этган илк чемпионлигидир.
«Қўтонлар» ҳужумчиси Лионель Месси ҳам клуб делегацияси таркибида ташриф буюрди. Бу аргентиналик юлдузнинг Оқ уйга илк ташрифи ҳисобланади, чунки у 2025 йилнинг январь ойида собиқ президент Жо Байден томонидан топшириладиган президентлик медалини топшириш маросимида иштирок эта олмаган эди.
Эслатиб ўтамиз, февраль ойида АҚШ хоккей терма жамоаси ҳам 2026 йилги Олимпия ўйинларида олтин медалларни қўлга киритгани муносабати билан Оқ уйда бўлган эди.
Месси «Интер Майами» сафига 2023 йилнинг ёзида келиб қўшилган. Ўтган йилнинг октябрь ойида у клуб билан амалдаги шартномасини 2028 йилгача узайтирди.
Машҳур модель Ҳусановга учрашув таклиф қилди
"Манчестер Сити" ҳам Абдуқодир Ҳусановга мурожаат қилди
Роналду ўз мақсадига эришди
