Месси МЛС тарихида ноёб натижа қайд этган иккинчи футболчига айланди

"Интер Майами" ҳужумчиси Лионель Месси яна бир ноёб ютуққа эришди.

Аргентиналик футболчи "Атланта Юнайтед"га қарши учрашувда дубль қайд этиб, жамоасининг 3:1 ҳисобидаги ғалабасига ҳисса қўшди. Шу тариқа, 39 ёшли юлдузнинг жорий мунтазам чемпионатда урган голлари сони 25 тага етди.

Inter Miami News Hub маълумотига кўра, Месси МЛС тарихида кетма-кет икки мавсумда камида 25 тадан гол урган иккинчи футболчига айланди. Бунга қадар бундай натижага фақат Йосеф Мартинес 2018 ва 2019 йилларда эришган эди.

Лионель Месси 2026 йилги МЛС чемпионати тўпурарлари рўйхатида пешқадамлик қилмоқда. У 20 та гол урган "Даллас" ҳужумчиси Петар Мусани ортда қолдирмоқда.

Эслатиб ўтамиз, саккиз карра "Олтин тўп" соҳиби ўтган мавсумда МЛС мунтазам чемпионатида 29 та гол урган эди.