Ҳужумчи Лионель Месси жаҳон чемпионатига тайёргарлик кўриш мақсадида «Интер Майами»даги машғулот дастурини ўзгартиришга қарор қилди.
МЛС клуби ва Аргентина терма жамоаси сардори миллий жамоа манфаатларини клуб манфаатларидан устун қўймоқда. The Touchline нашри Х ижтимоий тармоғида хабар беришича, 38 ёшли Месси 2026 йилги жаҳон чемпионатидаги иштирокида салбий таъсир кўрсатиши мумкин бўлган жароҳатларни олдини олиш учун ўз машғулот режасини қайта кўриб чиқишга қарор қилган.
Эндиликда Месси жисмоний ва тезликка қаратилган машқлардан кўра, тикланишга кўпроқ эътибор қаратади. Шунингдек, аргентиналик футболчи қачон майдонга тушиш ёки қачон дам олиш ҳақида қарор қабул қилишда мустақилликка эга бўлади. Бу чоралар жароҳат сабаб жаҳон чемпионатини ўтказиб юбориш хавфини минимал даражага тушириш учун қабул қилинган.
Аввалроқ Месси бўлажак жаҳон чемпионати унинг фаолиятидаги сўнггиси бўлишини таъкидлаган эди. Ҳозирга қадар у Аргентина терма жамоаси сафида 196 та учрашув ўтказиб, 115 та гол урган. Миллий жамоа таркибида у охирги жаҳон чемпионати ғолиби бўлган, шунингдек, икки марта Америка Кубогини қўлга киритган.
"Бу ер Роналду Арабистони эмас"
Абдуқодир Ҳусановнинг ўйини қандай баҳоланди?
"Манчестер Юнайтед" "Барселона" юлдузи учун 95 млн евро тайёрламоқда
