Доналд Трамп Пенсилваниядаги митингдаги чиқишида Таиланд ва Камбоджа ўртасидаги можаро билан яна шуғулланишга мажбур бўлаётганини айтди.
"Уруш бугун бошланди ва эртага мен уларга телефон қиламан. Яна ким “Мен телефон қўнғироғи билан, икки жуда кучли давлат, Таиланд ва Камбоджа ўртасидаги урушни тўхтатаман?”, дея олади?", — деди Трамп.
Таиланд ва Камбоджа чегарасидаги янги кескинлик 6–7 декабр кунлари бошланди. Таиланд Камбоджа ҳарбийларининг миномётдан ўт очганини маълум қилган ва бунга жавобан ҳаво зарбаларини берган. Камбоджа Мудофаа вазирлиги эса биринчи бўлиб ҳужум қилган томон сифатида Таиландни кўрсатган.
2025 йил июл ойида икки давлат ўртасидаги ҳарбий зиддият кескинлашган эди. Октябр ойида Таиланд ва Камбоджа АҚШ президенти иштирокида тинчлик келишувини имзолаганди. Трамп буни “тарихий келишув” деб атаганди.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
АҚШ "ҳам сиз билан, ҳам биз билан ўйнаяпти" - Мерц
