Украина энди НАТО ва энг аввало АҚШнинг қўлида ўйинчоққа айланди. Бу ҳақда Россия Хавфсизлик кенгаши раиси ўринбосари Дмитрий Медведев Россиянинг етакчи оммавий ахборот воситаларига берган интервьюсида айтиб ўтди.
Медведевнинг фикрича, Украинадан Россияга геосиёсий таъсир ўтказиш воситаси сифатида фойдаланилмоқда. «Мен бу ҳақда яқинда ёзганман. Украина, қанчалик ачинарли бўлса ҳам, америкаликлар учун ўз-ўзидан керак эмас ва европаликларга ҳам керак эмас. Лекин бу, назаримда, Россияга ва маълум даражада ҳатто Хитойга қарши геосиёсий ўйиндаги баҳс», — деди у.
Хавфсизлик Кенгаши раиси ўринбосари, шунингдек, бошқа томондан, кескинлик мамлакат раҳбариятининг олиб бораётган йўналиши билан боғлиқлигини таъкидлади.
Медведев, шунингдек, россиялик етакчи ОАВ журналистларининг халқаро хавфсизлик, коронавирус пандемияси ва бошқа долзарб воқеаларга оид саволларига жавоб берди.
