Мадриднинг «Реал» клуби ҳужумчиси Килиан Мбаппе, агар 2024 йил ёзида испан грандига ўта олмаганида, фаолиятини қаерда давом эттириши мумкинлиги ҳақида фикр билдирди.
«Мен Парижда етти йил ўтказдим ва бу мен учун катта шараф эди. Балки мен бу ҳақда етарлича гапирмаганман ёки кўрсатмаганман, аммо мен ҳар доим қаердан чиққанимни ва «ПСЖ» қанчалик буюк клуб эканини унутмаганман. Мен доимо бу Франциядаги энг катта клуб ва дунёдаги энг яхшилардан бири эканини айтганман.
Кейин мен дунёдаги энг катта клуб — «Реал» Мадридга ўтдим. Аммо ҳар доим шуни таъкидлаганманки, мен «ПСЖ»ни фақат шу клуб учун тарк этишим мумкин эди. Агар «Реал»га ўта олмаганимда, бутун фаолиятимни «ПСЖ»да ўтказган бўлардим. Мен бу клубда ўйнашни орзу қилганман ва бу орзум амалга ошганидан жуда хурсандман. Мен доимо парижликларнинг ўйинларини кузатаман, жамоада дўстларим бор ва ҳозир улар жуда яхши ўйнашяпти», — деди Мбаппе One Football нашрига берган интервьюсида.
Жорий мавсумда 27 ёшли ҳужумчи барча турнирларда 33 та учрашувда майдонга тушиб, 38 та гол урди ва 6 та голли узатмани амалга оширди.
ММА афсонаси Трампнинг Эрон ҳақидаги гапларига кескин жавоб қайтарди
«Реал»дан учралган мағлубиятдан сўнг «Манчестер Сити» кийиниш хонасида нималар бўлди?
Эроннинг ўрнига Жаҳон чемпионатига бориши мумкин бўлган терма жамоалар номи маълум бўлди
