Франция терма жамоаси ҳужумчиси Килиан Мбаппе жаҳон чемпионатида гол уриш бўйича рекорд ўрнатди.
"ПСЖ" шарафини ҳимоя қилаётган футболчи ЖЧ-2022 1/8 финалида Польша билан ўйинда (3:1) дубль қайд этди.
Ҳозирда 23 ёшли Мбаппе ҳисобига жаҳон чемпионатларида 9 та гол бор. 24 ёшга қадар ҳеч ким ундан тезроқ гол урмаган. Аввалги рекорд бразилиялик Пелега тегишли эди - 24 ёшга тўлгунга қадар 7 та гол.
Шуни ҳам таъкидлаш керакки, шу кунгача жаҳон чемпионатида 8 та гол урган энг ёш футболчи португалиялик Эйсебио (24 ёшу 182 кун) эди.
