Мбаппе Франция сардори бўлиб қоладими?

Килиан Мбаппе Франция терма жамоаси сардори бўлиб қолади.

Эслатиб ўтамиз, "Реал" ҳужумчиси ўтган йилнинг кузида миллий жамоанинг икки йиғинини ўтказиб юборганидан сўнг, март ойида жамоага қайтган эди.

"Лидерларга келсак, мен бу вазифани бир неча футболчига топширдим, чунки бу уларга ҳам олдинга қадам ташлаш имконини беради. Етакчиларга эга бўлиш ҳар доим муҳим бўлган.

Ахир гап сардорлик боғичида эмас-ку, бу кимгадир ярашадиган, кимгадир ярашмайдиган масъулият. Мен вазиятдан келиб чиқиб танлайман, лекин сардор сардорлигича қолади ва бу Килиан.

Аммо у ёлғиз эмас ва у ҳам жамоада етакчилик қобилиятига эга бўлган бошқа футболчиларга таяниши керак," - деди Франция терма жамоаси бош мураббийи Дидье Дешам.