Илон Маскнинг айтишича, у АҚШ президенти Дональд Трамп маъмурияти билан ҳукумат самарадорлиги департаменти (DOGE) фаолиятини назорат қилган даврда келишмовчиликлар бўлган.
Бу ҳақда у CBS News телеканалига берган интервьюсида айтиб ўтди.
"Менга интервьюда бу ҳақда гапириш қийин, чунки менинг сўзларим кўпинча тортишувларга сабаб бўлади. Мен бироз бурчак остида қолдим: мен маъмуриятни танқид қилишни хоҳламайман, лекин мен унинг ҳар бир қабул қилган қарори учун жавобгарликни олишга тайёр эмасман. Демак, бу жуда оғир вазият", - деди Маск.
У умуман Трамп жамоаси сиёсатини қўллаб-қувватлашини, бироқ “баъзида келишмовчиликлар келиб чиқишини” таъкидлади. Мисол тариқасида Маск президентнинг ҳукумат харажатларини қисқартириш ҳақидаги қонун лойиҳасини келтирди, Трамп буни “катта, чиройли қонун лойиҳаси” деб атайди.
"Менимча, қонун лойиҳаси катта ёки чиройли бўлиши мумкин, лекин бир вақтнинг ўзида иккаласи ҳам бўлиши мумкинлигига шубҳа қиламан. Бу менинг шахсий фикрим", - дея таъкидлади тадбиркор.
Шу ҳафта бошида Маск Х ижтимоий тармоғида унинг махсус давлат ходими сифатидаги муддати якунланаётганини ёзган, бироқ келажакда DOGE роли янада кучайишига ишонч билдирган.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
