Марселонинг 16 ёшли ўғли "Реал" билан шартнома имзолади

"Реал" собиқ ҳимоячиси Марселонинг ўғли Энцо Алвес мадридликлар билан шартнома имзолади.

"Биринчи профессионал шартномамни имзолаганимдан хурсандман. Hala Madrid!" - деб ёзди Алвес ижтимоий тармоқда.

Энцо Алвес 16 ёшда. У ҳужумчи позициясида ўйнайди. У Испания ёшлар терма жамоаси сафида 10 та ўйин ўтказиб, 3 та гол урган.

Марсело 2007 йилдан 2022 йилгача "Реал"да ўйнаган. У олти марта Испания чемпиони бўлган ва беш марта Чемпионлар Лигасида ғолиб чиққан.