«Манчестер Юнайтед»нинг янги бош мураббийи этиб жамоанинг собиқ ярим ҳимоячиси Майкл Кэррик тайинланади. The Times нашри хабар беришича, мутахассис тайинлангани ҳақида яқин 48 соат ичида расман маълум қилинади. Бу маълумотни Daily Mail нашри ҳам тасдиқламоқда.
Манбага кўра, айни пайтда Кэррикнинг «Манчестер Юнайтед»даги мураббийлар штаби шакллантирилиши бўйича музокаралар олиб борилмоқда. Кэррик 2006–2018 йиллар давомида «қизил иблислар» сафида тўп сурган, шундан сўнг профессионал фаолиятини якунлаган.
Аввалроқ Кэррик «Манчестер Юнайтед»да Уле-Гуннар Сульшернинг ёрдамчиси сифатида фаолият юритган, шунингдек, норвегиялик мураббий жамоани тарк этганидан кейин бош мураббий вазифасини вақтинча бажарувчи сифатида ҳам ишлаган. Собиқ футболчининг сўнгги иш жойи «Мидлсбро» бўлиб, у клубни 2025 йил ёзида тарк этган.
Роналду майдонда аср рекордини ўрнатди
Ҳусанов қўрқинчли ҳисоб қайд этилган баҳсда неча баллга лойиқ кўрилди?
Гвардиола: «Ҳусанов – ақл бовар қилмас футболчи»
