«Манчестер Юнайтед» ҳужумчиси Криштиану Роналду фаолиятини Англия клубларида давом эттира олмайди. Боиси, "қизил иблислар" раҳбарияти мана шундай шарт билан португалиялик футболчини бошқа жамоага сотишга тайёр.
«МЮ» АПЛдаги рақиби таркибини ўз футболчиси билан кучайтиришни истамаяпти. Шунинг учун 37 ёшли футболчининг «Челси»га ўтиш эҳтимоли юқори эмас.
Эслатиб ўтамиз, Роналдунинг «Юнайтед» билан шартномаси келаси йилнинг ёзида якунига етади. У жамоанинг бугунги машғулотида иштирок этмади.
