«Рома»нинг ўнг қанот ҳимоячиси Уэсли Франса фаолиятини Англия Премьер-лигасида давом эттириши мумкин. Бу ҳақда журналист Экрем Конур хабар бермоқда.
Манбанинг маълумотига кўра, Уэсли «Манчестер Сити»нинг ёзги трансфер мақсадига айланган. Таъкидланишича, "шаҳарликлар" 22 ёшли бразилиялик учун 50 миллион евро таклиф қилишга тайёр, бироқ римликлар ўз футболчисини сотишни режалаштирмаяпти.
«Рома» Уэслини ўтган ёзда Бразилиянинг «Фламенго» клубидан 25 миллион евро эвазига сотиб олган эди. ""Сариқ-қизиллар"" таркибида ҳимоячи барча мусобақаларда 29 та ўйин ўтказиб, учта гол ва битта голли узатмани амалга оширди.
Уэслининг Италия клуби билан амалдаги меҳнат шартномаси 2030 йилнинг ўрталарига қадар мўлжалланган.
Гвардиола Абдуқодир Ҳусановга қойил қолди
«Ўзбекистонлик қотил». SofaScore Шомуродовни эътироф этди (фото)
“Ан-Наср” Роналдуни сотадиган бўлди. Биринчи харидор аниқ
