«Манчестер Сити» ва «Барселона» бир ҳимоячи учун курашади

«Манчестер Сити» ва «Барселона» клублари «Айнтрахт»нинг чап қанот ҳимоячиси Натаниэль Браунга жиддий қизиқиш билдирмоқда.

Германия клуби ўз футболчисини 65 миллион еврога баҳоламоқда. Брауннинг амалдаги шартномаси 2030 йилнинг ёзига қадар давом этади. Transfermarkt портали эса футболчининг бозор қийматини айни дамда 35 миллион евро деб ҳисобламоқда.

Жорий мавсумда Натаниэль Браун «Айнтрахт» сафида 30 та ўйинда майдонга тушди. Ушбу баҳсларда ҳимоячи 3 та гол ва 6 та голли узатмани ўз ҳисобига ёздириб қўйди.