Агар «Манчестер Сити» молиявий қоидабузарликлар иши бўйича айбдор деб топилса, уларнинг иккита чемпионлик титули «Ливерпуль»га ўтказиб берилиши мумкин. Бу ҳақда «Topskills Sports UK» хабар бермоқда.
Гап 2018/2019 ва 2021/2022 йилги мавсумлар ҳақида кетмоқда. 2018/2019 йилги кампанияда «Ливерпуль» 97 очко жамғариб, турнир жадвалида «Манчестер Сити»дан кейинги иккинчи ўринни эгаллаган эди. 2021/2022 йилги мавсумда эса мерсисайдликлар 92 очко билан финишга келишган ва яна «шаҳарликлар»дан кейин иккинчи бўлишган.
Манбанинг таъкидлашича, воқеаларнинг бундай ривожи «Манчестер Сити» молиявий Fair Play қоидаларини бузиш бўйича олиб борилаётган тергов доирасидаги 115 та банд бўйича айбдор деб топилган тақдирда амалга ошиши мумкин. Санкция сифатида клубга нисбатан жиддий чоралар, жумладан, очколарни олиб ташлаш ёки қуйи дивизионга тушириб юбориш жазолари қўлланилиши мумкин.
Агар шундай жазолар қўлланилса, АПЛнинг иккита чемпионлик титули ретроспектив (ортга қайтган ҳолда) тарзда «Ливерпуль»га берилиши мумкин.
Гвардиола нега Ҳусанов "Ньюкасл"га қарши ўйин танаффусида майдонга туширилганини изоҳлади
"Ал-Ҳилол" футболчилари Бензема билан шартнома имзоланганидан афсусда
Элдор Шомуродов Италияга ташриф буюрди
