Англиянинг «Манчестер Сити» клуби Puma бренди билан ҳамкорликда 2026/2027 мавсум учун уй формасини расман тақдим этди: «Ғайриоддий “Сити”!».
Клуб расмий сайтида қайд этилишича, форма дизайн клубнинг йиллар давомида ғайриоддийни оддий ҳолга айлантирган узлуксиз интилишини акс эттиради. Футболка осмонранг градиентда ишланган бўлиб, елка қисмида ранг тўқроқ, пастга тушган сари эса енгиллашиб боради. Шунингдек, металлсимон монохром логотип ва ҳомий элементлари билан тўлдирилган.
«Дизайн ривожланишни, доим олдинга ҳаракат қиладиган ва ҳеч қачон тўхтамайдиган клубни ифодалайди», — дейилади клуб баёнотида.
Сўнгги тур олдидан «Манчестер Сити» Англия Премьер-лигасида 37 ўйиндан сўнг 78 очко тўплаб, жадвалнинг иккинчи поғонасини эгаллади. Жамоа етакчи «Арсенал»дан 4 очко ортда қолди.
Моуриньо "Реал"дан ҳайдайдиган илк футболчи номи маълум
«Манчестер Сити» янги бош мураббий билан келишувга эришди
Вадим Абрамов расман огоҳлантирилди
