ICT Week Uzbekistan 2026 кўргазмасида Uztelecom иккита маълумотлар марказини ишга туширди, янги рақамли хизматларни тақдим этди ва 20 дан ортиқ шартнома имзолади. 22 сентябрдан 25 сентябргача давом этган тўрт кун давомида компания бизнес ва кундалик ҳаёт учун ечимларни намойиш этди: булутли қувватлар ва сунъий интеллектдан тортиб, чекка ҳудудлардаги алоқа ва шаҳар хизматларигача.
22 сентябр куни Uztelecom Бухоро ва Қўқонда маълумотлар марказларини ишга туширди. Улар UzCloud миллий булутли платформаси инфратузилмасининг бир қисми бўлиб, сунъий интеллект моделларини ўқитиш ва ишга тушириш учун GPU серверлари билан жиҳозланган. Ҳар икки лойиҳа Uptime Institute томонидан Tier III Design сертификатига эга бўлди. Компаниялар маълумотларни Ўзбекистон ҳудудида сақлаши ва қайта ишлаши, керакли қувватларни ижарага олиши ҳамда юклама ортиши билан уларни босқичма-босқич кенгайтириши мумкин.
Майончалар ўртасида маълумотларни тезкор алмашиш учун Uztelecom Toyota Tsusho, NTT DOCOMO BUSINESS ва NEC билан ҳамкорликда APN фотон тармоғининг пилот лойиҳасини ишга туширди. Биринчи босқичда тармоқ Оҳангарон ва Зангиота туманларидаги маълумотлар марказларини боғлайди. Каналнинг мақсадли ўтказиш қобилияти 800 Гбит/с, кечикиш эса бир миллисекунддан кам. Келажакда тармоқ мураккаб ҳисоблашлар ва сунъий интеллект билан ишлаш учун бир нечта майдончаларнинг қувватларини бирлаштириш имконини беради.
Ер усти тармоқларини қуриш қийин бўлган чекка ҳудудлар учун Uztelecom сунъий йўлдош алоқаси йўналишини ривожлантирмоқда. ICT Week кўргазмасида компания UZ-SAT қўшма корхонаси билан ҳамкорликда Amazon Leo лойиҳасини ишга туширди. UZ-SAT Ўзбекистонда Amazon’нинг паст орбитадаги сунъий йўлдош алоқа хизматларининг ваколатли дистрибьюторига айланди. Сунъий йўлдош ечимлари мавжуд тармоқларни тўлдиради ва бориш қийин бўлган ҳудудлардаги аҳоли ҳамда корхоналарни тармоққа улашга ёрдам беради.
B2O сегментида, алоқа операторлари ва интернет-провайдерлар билан ҳамкорликда, Uztelecom Sarcor, Beeline Uzbekistan ва Ucell билан ҳамкорликни мустаҳкамлади. Тармоқ ресурсларидан биргаликда фойдаланиш операторларга қамровни кенгайтириш ва инфратузилмани ривожлантириш харажатларини камайтириш имконини беради.
23 сентябр куни Uztelecom “Сунъий интеллект — келажак бизнеси учун инфратузилма” форумини ўтказди. Беш мамлакатдан келган экспертлар компанияларда сунъий интеллектни жорий этиш, маълумотларни ҳимоя қилиш ва мутахассисларни тайёрлаш масалаларини муҳокама қилдилар. Форумда Uztelecom ва Apifonica Ўзбекистонда Овозли сунъий интеллект марказини ташкил этиш бўйича меморандум имзолади. Лойиҳани Uztelecom’нинг алоқа марказидан бошлаш режалаштирилган: сунъий интеллект агентлари абонентларнинг одатий мурожаатларини қайта ишлаб, мураккаб саволларни операторларга йўналтиради. Кейинчалик овозли хизматларни бошқа компанияларга ҳам таклиф қилиш режалаштирилмоқда.
Кўргазма стендида Uztelecom TelecomSoft компанияси билан ҳамкорликда ишлаб чиқилган Hamroh маҳсулотини тақдим этди. Бу шаҳар навигацияси, автопаркни бошқариш ва маиший хизматларни бирлаштирган илова. У ақлли транспорт тизимидан маълумотларни олади ва йўл ҳолатини, жумладан, светофор сигнали ўзгаргунча қолган вақтни кўрсатади. Компаниялар учун автопаркни бошқариш, шунингдек, суғурта ва техник кўрик муддатларини назорат қилиш воситалари ҳам кўзда тутилган. Uztelecom маълумотларига кўра, ICT Week кунларида Hamroh фойдаланувчилари сони 300 мингдан ошган. Илованинг корпоратив воситаларидан 100 дан ортиқ ташкилот фойдаланади.
Инфратузилмани кенгайтириш булутли платформалар, тармоқлар ва сунъий интеллект тизимлари билан ишлай оладиган мутахассисларни талаб қилади. ICT Week доирасида имзоланган бешта келишув айнан таълимга бағишланган. SKOLKOVO Москва бошқарув мактаби билан ҳамкорликда компания ходимлар, мижозлар ва ҳамкорлар учун корпоратив университет яратмоқда. Coursera курсларини Uztelecom’нинг таълим платформасига киритиш режалаштирилмоқда.
Huawei эса муҳандислар учун семинарлар ўтказиб, ўз ечимларини жорий этишнинг амалий мисолларини таҳлил қилади. IT-таълим ассоциацияси ҳамда Сунъий интеллект ва рақамли иқтисодиётни ривожлантириш маркази билан ҳамкорликда компания халқаро сертификатлашга тайёргарлик кўриш ва сунъий интеллект билан ишлаш бўйича таълим дастурларини амалга оширади.
Янги маълумотлар марказларидан тортиб мутахассисларни тайёрлашгача — Uztelecom’нинг ICT Week’даги лойиҳалари мамлакатнинг рақамли ривожланиши учун замин яратмоқда. Одамлар учун бу алоқа, таълим ва қулай хизматлардан фойдаланиш имконияти бўлса, бизнес учун — ўсиш ва ривожланиш ресурсидир. Шу тариқа, компания ўзининг “Uztelecom. Технологиялар ҳар бир киши учун” тамойилини амалда намоён этади.
