Субанг Жая шаҳрининг Путра Хайтс ҳудудидаги газ қувурида ҳалокатли портлаш юз берди, деб хабар беради Malay Mail.
Малайзия полицияси маълумотларига кўра, портлаш ёнғинга сабаб бўлган, 112 киши жароҳатланган, улардан 63 нафари шифохонага ётқизилган.
Шунингдек, идора ёнғин 47 та уйни вайрон қилганини таъкидлади. Газ қувуридан чиққан катта ёнғин катта зарар етказди ва фавқулодда эвакуация қилишга мажбур этди.
Эрталаб бошланган ёнғинга Petronas газ қувуридаги носозлик сабаб бўлган. Гувоҳларнинг сўзларига кўра, олов баландлиги 500 метргача етган ва бир неча километр узоқликдан кўриниб турган.
