Макрон: "Яқин Шарқдаги вазият Россияга қарши санкцияларни бекор қилиш учун асос бўлолмайди"

"Катта еттилик" (G7) давлатлари раҳбарлари Яқин Шарқдаги низонинг жаҳон нефть бозорларига таъсирига қарамай, Россияга қарши санкцияларни юмшатиш имкониятини рад этдилар. Бу ҳақда Франция президенти Эммануэль Макрон маълум қилди.

"Биз ушбу G7 учрашувида юзага келган вазият Россияга қарши амалдаги санкцияларни бекор қилишни ҳеч қандай тарзда оқламаслигини ҳам билдирдик", — деди у G7 етакчиларининг онлайн-учрашуви якунлари бўйича ўтказилган матбуот анжуманида. Унинг сўзларидан "The European Conservative" нашри иқтибос келтирган.