Атом энергияси бўйича халқаро агентлик (МАГАТЭ) бош директори Рафаэль Мариано Гросси Украинадаги Россия назорати остидаги Запорожье атом электр станцияси (АЭС) ташқи электр таъминотини бутунлай йўқотгани ва хавфсизлик ҳолати ўта хавфли эканлигини маълум қилди.
Гросси Х ижтимоий тармоғида Запорожье АЭС ҳолати ҳақида баёнот тарқатди.
Унга кўра, 4 июль куни корхонада ташқи электр таъминоти тўлиқ узилган.
Бу Россия-Украина уруши бошланганидан бери 9-чи ва 2023 йил охиридан бери биринчи узилиш эканлигини таъкидлаган Гросси: "Ҳозирда завод фавқулодда дизель генераторлари билан ишламоқда, бу эса ядро хавфсизлиги ўта хавфли вазиятда эканлигидан далолат беради".
2 июль куни эълон қилинган баёнотда Россия ТИВ расмий вакили Мария Захарова ўтган ҳафта Украина армияси Запорожье АЭСига дронлар ёрдамида ҳужум қилганини эслатди.
"МАГАТЭ Котибияти Киев маъмуриятининг бу ҳаракатларига жавоб бермаганидан афсусдамиз. Биз халқаро ташкилотлар, хусусан, МАГАТЭ ва Бирлашган Миллатлар Ташкилотидан (БМТ) Киев маъмуриятининг жиноий ҳаракатларига муносиб баҳо беришни талаб қиламиз", — деди у.
Россия санкциялар билан таҳдид қилмоқда: нишонда Ўзбекистон ҳам бор!
Қозоғистонда 1 миллионга яқин сайғоқни отишга қарор қилишди
Мирзабек Холмедов янги лавозимга тайинланди
