Мадуро: "АҚШ Венесуэланинг табиий бойликларини қўлга киритиш учун ёлғон баҳона билан ҳужум қилмоқда"

Қўшма Штатлар Венесуэланинг табиий бойликларини тортиб олиш ва республиканинг мустақил ривожланишига йўл қўймаслик учун узоқ ўйланган баҳона билан Венесуэлага ҳужум қилмоқда.

Бу ҳақда Боливар республикаси президенти Николас Мадуро Venezolana de Televisión телеканали эфирида айтиб ўтди.

"Империализм (Венесуээла қирғоқларига) саккизта ҳарбий кема, ядровий сув ости кемасини юбориб, ҳеч ким ишонмайдиган, жумладан, АҚШ Давлат котиби Марко Рубионинг ёлғонларига ишонмайдиган америкалик ёшларни ўзгача баҳона билан 1200 та ракетани нишонга олмоқда", — деди Мадуро.

Унинг фикрича, Рубио "Оқ уйни, Майами мафиясини бошқаради ва АҚШ президенти Дональд Трамп номини қонга бўямоқчи".

Мадуро Қўшма Штатлар Венесуэладан нефть, газ, олтин ва бошқа фойдали қазилмаларни текинга олиш ниятида эканини айтди. Шунингдек, у тажовузнинг асосий мақсади "Лотин Америкасидаги энг йирик тараққиёт лойиҳаси, буюк озодликчи Саймон Боливар лойиҳасини тугатиш ва Венесуэла томонидан қўйилган ўрнакга чек қўйиш" деб ҳисоблайди. Мадуро Қўшма Штатлар ўз мақсадига эриша олмаслигини ва "суверен Венесуэлада тинчлик, тенглик, демократия ва эркинлик ҳукм суриши"ни таъкидлади.