Ловия кенг қаторлаб экилади. Қатор оралари 60-70 см кенгликда бўлади. Экиш нормаси гектарига 40-50 кг. Экиш чуқурлиги 4-5 см.
Ловия майсалари униб чиққандан кейин юқори агротехника асосида парваришланади. Уруғлар тўлиқ униб чиққандан кейин биринчи култивация ўтказилади. Ўсув даврида 3 марта култивация қилинади.
Ловиянинг пастки барглари сарғая бошлаб дуккаклари 60% етилганда йиғиштиришга киришилади. Ловия дуккаклари тўкилиб нобуд бўлмаслиги учун албатта уруғлар тоза пишиб етилмасдан бурун СК-4 комбайнлари билан йиғиштириб олинади.
Сараланган дон ёпиқ, яхши шамол айланадиган хоналарга тўкиб ёки қопларда сақланади. Сақлашда намлик 12-14% ортиқ бўлмаслиги керак.
