Лондондаги Хитроу аэропортининг 4-терминали хавфли моддалар ҳақидаги хавотирлар туфайли ёпилди

Дунёдаги энг гавжум аэропортлардан бири бўлган Лондондаги Хитроу аэропортининг 4-терминали эҳтимолий хавфли моддаларга оид хавотирлар туфайли ёпилди ва йўловчилар эвакуация қилинди.

АҚШнинг X компанияси ижтимоий тармоқдаги баёнотида: “Фавқулодда хизматлар билан боғлиқ воқеа содир бўлган 4-терминал эвакуация қилинди”, дея маълум қилинди.

Аэропорт раҳбарияти йўловчиларга 4-терминалга бормасликни тавсия қилди. Қолган 1, 2, 3 ва 5-терминаллар одатий тартибда ишлаётгани қайд этилди.

Лондон ёнғин хавфсизлиги хизмати эса махсус гуруҳ аэропортда эҳтимолий хавфли модда билан боғлиқ вазиятни ўрганаётганини билдирди.

Ҳодиса оқибатида 20 га яқин кишига тиббий ёрдам кўрсатилгани ва воқеа юзасидан тергов олиб борилаётгани маълум қилинди.

Шунингдек, Миллий темир йўллари 4-терминалга борувчи поездлар вақтинча станцияда тўхтамаслигини эълон қилди.

Маълумот учун, Хитроу аэропортининг 4-терминали айрим Европа ва узоқ масофали рейслар учун муҳим трансфер нуқтаси ҳисобланади.