Вильнюсдаги кўп қаватли уйда портлаш содир бўлди. Бу ҳақда Литва ОАВлари ўт ўчириш хизмати вакилларига таяниб хабар берди.
Портлаш ҳақида маълумот 3 январь куни тушга яқин келиб тушган. "Дзуку кўчасидаги кўп қаватли уйнинг бешинчи қаватидаги хонадонда портлаш содир бўлгани, деразалар синган, тутун кўриниб тургани ҳақида хабар берилган эди", — деди ёнғин ва қутқарув бўлими вакили.
Қутқарувчилар портлаш содир бўлган хонадонга кириб, ярадорни у ердан олиб чиқиб кетишди ва шифокорларга топширдилар. Бошқа жабрланганлар ҳақида ҳозирча маълумот олинмаган.
Уй аҳолиси эвакуация қилиниб, яқин атрофдаги болалар боғчасига жойлаштирилди. Ҳозирда воқеа жойида ўт ўчирувчилар ишламоқда. Уларнинг сўзларига кўра, уйнинг томи ва ички қопламаси қулаб тушган. Ҳодиса сабаблари аниқланмоқда.
Россия Япония ва Жанубий Кореяга ҳужум қилиш режаларини ишлаб чиқди – FT
Ўлимга ҳукм қилинган америкалик имкон қадар тезроқ қатл қилинишини сўради
Россия ҳаво ҳужумидан мудофаа тизимлари Украина қирувчисини уриб туширди
